الكبريتS_ملك_المبيدات
الكبريتS_ملك_المبيدات
كلام عجيب مش كده؟!
كيف هو سماد ويكون ملك المبيدات!!!
صبرك شوية.
إضافة الكبريت للتربة ينتج عنها زيادة في إنتاج البذور، وكمان بتزيد النيتروجين في الأوراق وسيقان النباتات، وبرضو بتساعد في زيادة المحتوى الكلي من النيتروجين في الفروع الجديدة وفي كافة مراحل النمو.. وبالمقابل فإن محتوى كلوروفيل الورقة والوزن الجاف للفروع دي ح يزيد بشكل كبير بسبب إضافة الكبريت بعد الأزهار ومرحلة امتلاء القرون على التوالي.
- معاملة التربة بالمصادر الكبريتية المختلفة والمواد العضوية، الاتنين ديل مع بعض بيزيدوا في كمية الكبريتات المتجمعة والتوصيل الكهربائي، وده يخلي كل من الفسفور والحديد والمنجنيز متاح في التربة وجاهز للامتصاص. طيب ده كله تأثيره كسماد، وين كلامك إنه أقوى مبيد… صبرك لحظة واحدة.
- الكبريت عنده تأثير قوي على بيض الأكاروسات.
كمان الكبريت مخفض لـ PH التربة وطارد للفراشات.
لما تعمل تعفير الكبريت على ثمار الطماطم، ده بيسرع من نضجها لأنه بيحفز هرمون النضج (الإيثيلين) لأنه يدخل في تركيب الحمض الأميني الميثايونين.
كمان الكبريت مضاد قوي للفطريات… كيف؟! سألتني وهاك الجواب:
الكبريت مضاد فطري لأنه بينتج مادتين: H2S كبريتيد الهيدروجين، H2SO4 حامض الكبريتيك بتركيز مخفف، ودي مواد بتُستخدم في مبيدات الفطريات.
والشي المهم ما قلت ليك هو إنه مركبات الكبريت شديدة التأثير على أمراض البياض الدقيقي، اللفحات، التبقعات، وبيُستخدم للحماية لأنه أبخرته بتعمل على منع جراثيم الفطريات من الإنبات.
كمان زي ما بيُستخدم للحماية بيُستخدم رَشّاً للوقاية والعلاج كمان. كيف؟
الكبريت بيعمل على:
- ذوبان الدهون في خلايا الفطر.
- ويربط العناصر المعدنية في الفطر (حديد – منجنيز – نحاس – زنك) خاصة في أنزيماته ويكون كبريتيد الهيدروجين Sulfide Hydrogen مما يؤدي إلى اضطراب في عمليات التمثيل الغذائي في الفطر.
- والكبريت مهم في استقبال الهيدروجين وبالتالي تتوقف تفاعلات الديهيدروجينيز Dehydrogenases، وبالتالي تتأثر عمليات التنفس في الفطر أو تقل كثيراً.
- كبريتيد الهيدروجين H2S المتكون عند إضافة الكبريت سام جداً للآفة.
كده عرفنا ليه الكبريت ملك المبيدات.
والله يعشيكم ويطرح البركة فيكم.
